Campingsalsa

by STOP THE SHOPPERS

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      15 CHF  or more

     

1.
2.
04:46
3.
03:51
4.
03:00
5.
03:22
6.
03:04
7.
8.
01:36
9.
03:38
10.
02:49
11.
02:17

about

Homepage: www.shoppers.ch
Kontakt: info@shoppers.ch

Campingsalsa kann man auch bei iTunes kaufen
CD nicht mehr im Handel

credits

released March 4, 1999

Produziert von Stop the Shoppers
Schmidi Schmidhauser: Tres Cubano, Gesang
Jüre Schmidhauser: Bass, Gesang
Oli Hartung: Gitarre, Chor
Christian Brantschen: Hammond, Piano
Andy Hug: Schlagzeug, Gesang

Aufgenommen im Studio2 Worb
Mix: Oli Bösch
Mastering: Glen Müller

license

all rights reserved

tags

contact / help

Contact STOP THE SHOPPERS

Streaming and
Download help

Report this album or account

Track Name: tue wid wosch
tue wid wosch © Schmidi Schmidhauser

du chasch tue wi du wosch
mir isch gliich wott mi Rue
luege zue wi du tuesch
we’s der tuet u du muesch
mer nid cho i sött o
i bi so win i bi
u dass scho sit i di
denn ha gno wo'd bisch cho
un e so un e so chasch du o
so win i bis du di
tue wi'd wosch
mir isch gliich wüu du chasch
aber eis isch klar Baby
di lieben i immer
 
und i möcht dass de weisch
wenn du geisch wär i froh
we'd mer's seisch wüu eso
weis ig's o jitz aha
du wottsch gah blibe nätt
nächär zagg bisch de wägg
und i hätt nid gärn we'd
dänksch i wett aber sött
nid so wit wägen mir
du chasch gah i bi da
we de geisch muess verstah
we'd mer's seisch versteisch
aber eis isch klar Baby
di lieben i immer
Track Name: Linda
Linda © Jürg Schmidhauser

d Linda d Berta d Frida u di
d Chrischta d Maria u ds Vreni für mi
si aui so tolli u keni chan i la sii
d Linda d Berta d Frida u di
 
vom Morge bis spät am Abe
da dänken i nume a di
am Aabe de tue mi de plage
i cha‘s haut eifach nid la sii
i cha‘s haut eifach nid la sii
Tröji hätt i dir gschwore
di Einzigi wärsch gsii
i bi haut eifach nid gmacht für
d Ewigkeit u Monogamie
i wär ja so gärn für immer
tröi u blibti bi dlr
 
d Linda d Berta d Frida u di
d Chrischta d Maria u ds Vreni für mi
si aui so tolli u keni chan i la sii
d Linda d Berta d Frida u di
 
ds Käthi aber di wetti
u dere geit’s fasch gliich
si seit mer zwar si lieb mi scho
aber dr Fritz u dr Max doch o
u einisch nach au dene Jahre
bin i ab dr Brügg i d Aare
dr Petrus dä het gmeint
für di hätt’s im Himu ou no Platz
für di hätt’s im Himu ou no Platz
aber i dr Höll gits doch viu meh
hübschi Meitschi z’gseh
i wär ja so gärn ä Ängel
aber i chas haut eifach nid la sii
i wär ja so gärn für immer
treu u blibti bi dir
Track Name: Locoman
Locoman © Schmidi Schmidhauser

wen är d Strass überquert
de überquert är se verchehrt
und immer dert wo’s keni Zebras hett
 
är hett es grosses Schwein
är isch nid vo däm Verein
u rund um ihn da quitschet’s quitschfidel
 
är hett o no ne Kolleg
u dä isch o so schreg
u zäme göh si aube de chli i d’Stadt
 
u dert mache si de Zoff
u rouke guete Stoff
schüttle d Gringe u tüe singe
 
si singe uh schalalla
 
scho sit Ching wohnt är no ging
i de gliiche vier Wäng
bi sim liebe Mueterli daheim (är hett ganz es liebs Mueti)
 
u we dr Winter nächer rückt
de wird dr Campingrucksack packt
u i Süde mit em Dume uf Marroko jedes Jahr
 
un es gäb so mange Maa
wo das wetti u nid cha
u wo sehr warschiinlech o nid glücklech wär derbii
 
un är schlaft so gärn under der Brügg
u dänkt ir Nacht a sis liebe Mueterli zrügg
Track Name: Campingplatz
Campingplatz © Schmidi Schmidhauser

du bruchsch immer mini Liibli
mini lieblings Puline
we ni paar Tag wägg ga
de wosch du mini liebschti Jagge
du nimmsch mer o ging mini Socke
tuesch mit ne vorem Fernseh hocke
u we si scho chli stinke
stecksch d Füess i mini Finke
 
und i bruuchen e Foti vo dir
mini Liebligs-Foti wotti
immer bi mir ha
wen i vo dir ga
die wo’d no fasch tuesch penne
wo mir üs fasch no nid kenne
no verschlaafe mi Schatz
denn uf em Campingplatz
 
u wenn i furt bi vo dir
de bisch du ging no bi mir
i mim Härz u i mim lääre Portemonai
i mim Gring u i vermisse di ging
 
u we du furt bisch vo mir
de bin i ging no bi dir
mit mim Gruch i de Chleider
wo du anne hesch vo mir
un i bi glücklech mit dir
Track Name: Salamander
Salamander © Schmidi Schmidhauser

was gspührt e Chatz
was gspührt dr Spatz
we si ne verschlingt
niemer weiss
was dass es bringt
we me singt win e Üüle
niemer weiss werum
d Wöuf müesse hüüle
nume dr Wind versteit
wi gschwind verseit ds Füür
wenn är sech leit
 
dr Mond dä blibt stumm
dr Mondmaa blibt dumm
d Sunne brönnt
a d Füess im Sand
wärend men erfriert
imenen andere Land
niemer weiss
was gspührt e Geiss
was dänkt e Fisch
werum dass er isch
 
u niemer kennt
dr würklech richtig Grund
nid d Sunne nid dr Storch
oder der Hund
 
u niemer kennt
dr würklech richtig Grund
dr Salamander nid dr Mond
oder der Wind
Track Name: z’schnäu
z’schnäu © Schmidi Schmidhauser

e Ma het so viu Tröim
u muess ga chrampfe und daheim
isch är e Frömde
hett o keni Zit für sini Fründe
es geit ihm z’schnäu
es geit ihm viu viu z’schnäu
es geit ihm z’schnäu
es isch es Gjufu
 
u sini Frou di hockt daheime
trifft de heimlech auben Eine
wüu Zit schaffet muess si zuegäh
we si tuet i Spiegu luege
es geit ere z’schnäu
es geit ere viu viu z’schnäu
es geit ere z’schnäu
es isch es Gjufu
 
un es Ching das wachst so gschwing
hockt i der Schueu ufem Schtueu
scho glii är Universität
när isch es z’spät
es geit ihm z’schnäu
es geit ihm viu viu z’schnäu
es geit ihm z’schnäu
es isch es Gjufu
 
dr lengscht Tag isch am Lengschte
aber d Lengi isch mer schnurz
wenn är guet für mi isch
isch är alle weil no z’churz
es geit mer z’schnäu
es geit mer viu viu z’schnäu
es geit mer z’schnäu
es isch es Gjufu
 
Track Name: J’étais danser hier soir
J’étais danser hier soir © Christian Brantschen

J’étais en ville hier soir
j’ai fait une promesse de n’rien boire
ma petite fille et moi
on voulait danser toute la nuit
on est allé chez Luc
ma petite fille et moi
je me suis piqué au bar
et j’ai commandé une grande bière
 
juste après minuit
on a changé de boîte
ma petite fille et moi
pour danser toute la nuit
c’est là que j’ai vu Henri
un vieux copain à moi
on s’est piqué au bar
et j’ai commandé deux grands whiskys
Track Name: nid ohni di
nid ohni di  © Schmidi Schmidhauser
jede Tag e Abstrich
immer öppis wo lampet
oder öpper wo no i di iche plampet
jedi Wuche es Malheur
i trample immer grad i Fettnapf
i vermasle aus
i han e Bire win e Houzchopf
u am Aabe da liiren i aune d Hucke voll
u bi voue
 
I stah uuf em Morge u lauere zur Tür uus
i d Wäut u när steindlet's mi uus
i bi völlig verlore
i schnaue's eifach nid ohni di
 
jede Momänt e grossi Röhre
när tagelangi Lämpe u Versöhnige
wi Sand am Meer
Sandseck i mim Härz
 
I stah uuf em Morge u lauere zur Tür uus
i d Wäut u när steindlet's mi uus
i bi völlig verlore
i schnaue's eifach nid ohni di
Track Name: Ufwiderluege
Ufwiderluege © Schmidi Schmidhauser

mir gseh üs wider
i’ren angere Zyt
i’re angere Wäut
im en angere Gwand
im en angere Zue-stand
im en andere Land
us emen andere Grund
uf emen angere Boot
mit emene angere Kapitän
imene neue Chitu
mit eme neue Titu
mit eme neue Name
im ene angere Sou-stau
uf eme agere Bett
imene andere Rum
gseh mir üs wider
 
egau.... mir gseh üs wider
mir gseh üs o we mir das gar nid wei
 
mir gseh üs wider
iren agere Hut
z’mitzt im Gjät
imene angere Chat
uf eren angere Fete
in ere Mondragete
uf emen angere Sänder
im ne agere Fium
uf men angere Ross
im ne angere länge Tal
 
egau.... mir gseh üs wider
mir gseh üs o we mir das gar nid wei
 
mir gseh üs da mir gseh üs hie
mir gseh üs gschwing mir gseh üs ging
mir gseh üs immer wider
es isch nid ds verhindere
mir gseh üs hie irgendwie
so oder so irgendwo
mir gseh üs glii d’Wäut isch chlii

If you like STOP THE SHOPPERS, you may also like: