supported by
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      15 CHF  or more

     

  • Full Digital Discography

    Get all 9 STOP THE SHOPPERS releases available on Bandcamp and save 35%.

    Includes unlimited streaming via the free Bandcamp app, plus high-quality downloads of Mambogimp, Supergringo, Shoppers live, Campingsalsa, Java, Shoppers, so wi di Grosse, Kurt, and 1 more. , and , .

      87.75 CHF or more (35% OFF)

     

1.
Java 03:18
Java © Jüre Schmidhauser i ha gar nid gwüsst wie lieb du chasch si mir hei zwar küsst aber dänkt han i nüüt derbi i ha gar nid gwüsst wie gärn i di ha truurig bin i worde - ersch wo du furtgange bisch i ha di eifach la ga und i hätt nie dänkt dass mi vo däm Tag aa e Teil vo mim Glück für immer hett verlaa i ha mer vorgmacht du un i uf jede Fau das gäbi's sicher uf dere Wäut irgendwo nomau i ha aune gseit i heig dr Verluscht überwunde und scho lengschtens ds Glück bin ere andere gfunde i ha mi jede Tag jenschti mau beloge u won i s'hätt chönne zuegä bisch du scho lengschtens furtgfloge gsii ...wit furt vo hie   i weiss jitz wie gärn ...wie gärn i di ha sit du bisch ggange ...villich nach Java i schwöre ja dä Juli wär für mi nie so grau hätt i chli vo dire Sunne und uf jede Fau tröim i jedi Nacht wi de z'rügg chunsch zu mir u we di i d'Arme nime seisch we'd mi no wotsch - de bliben i bi dir we'd mi no wotsch - de bliben i bi dir
2.
aber Herr Wäber... © Schmidi Schmidhauser es räblet vo oben abe u polet vo unger ueche es räblet vo oben abe u polet vo unger ueche u oben im Stägehuus ghört me ne flueche   d'Ching söue nid geng so d'Stäge abe räble he! heit dr ghört dir Goofe müesst nid seckle chöit o loufe süsch nimen ech de bi de Ohre u när git's Haber win e Moore !   aber Herr Wäber was schnaagget de öich über d'Läber ? aber Herr Wäber was schnaagget de öich über d'Läber ?   i ha gseit löt doch di Chräble la d'Stäge abe räble das cha ja öich schnurz sii die müesse o läbe es git schlimmers hie das chöit dir mer gloube zum Bischpiu die wo Folie rouche ds Stägehuus richtiggehend iinäble da si mer die lieber wo nume chli räble   äbe... gseht dr! seit dr Herr Wäber laat me se aus Chlii la räble de tüe si später sicher näble!   aber Herr Wäber was schnaagget de öich über d'Läber ? aber Herr Wäber was schnaagget de öich über d'Läber ?   lueget gschider mau im Parterre dr Herr Walter dä blibt cool i sim Alter
3.
Änteshake 03:56
Änteshake © Jüre Schmidhauser i sitze da ir Beiz u trinke no ne Stange nume i un e haube Bächer schüsch si aui ggange un i lise i dr Zytig dass hüt wider eh nüüt louft aber es wär doch eigentlech Fritig u mi Fernsehn isch verchouft   i weiss eifach nid wohäre für hei z'ga isch es z'früech und für i Chino eifach z'spät so bliben i haut im Bäre villicht gan i no in e Chäuer dert vergeit d'Zyt haut chli schnäuer i ma o nid i d'Nosse wüu dert stöh si mer uf d'Flosse   i wett no chli ga shake düre Dschungel düre brake aber hüt isch eifach aus scho ganz zue oder house i wett no chli ga shake düre Dschungel düre brake aber hüt isch eifach aus scho ganz zue oder house   u grad bir letschte Bstellig ja es git de o no serig chunnt dr Andi mit em Handy dä flügt nach London nächste Mäntig dä findet aues dert so hip u chouft was s'hie nid git es Chäppi mit'me Zeiger und e huufe nöiji Chleider   wär no öppis uf sech hett stigt eifach i nächscht Jet dr Kolleg dä flügt nach Sidney u ds'Susi grad nach Bombay und i frage mi nomau wohär die so viu Gäud hei und i frage mi nomau wohär die so viu Gäud hei   o wär i nid allei u dumm win e jungi Änte so blibte mir daheim im Näscht und ohni z'dänke u mir vertribte üsi Zyt mit däm äbe däm u diesem u würde gar nid merke dass hüt wider eh nüüt louft   u wen i später hei ga de luegen i no dr Mond aa u cha's eifach no nid gloube dass es läär isch i de Loube
4.
Schönsein Reggae © Schmidi Schmidhauser mir si schön mir si schöner mir si supersexy mir hei Müskeli hübschi Wädeli ds Lädeli hett em Sport-Center müesse wiiche es hange no immer di gliiche di schöne Foti vo de schöne Manne u de schönschte Froue z'vordersch zum gschoue im Schoufänster vis a vis si tüe boue es Fitnesszäntrum und drum tüe mer strample mir strample zwe Stung e Stung ir Sunne im Solarium dert singe mer drum mit heisse Gringe u rote Öhrli es Narzischtechörli   Schönsein Reggae Schönsein Reggae   mir si schön mir si schöner mir si wahnsinnig sexy si hübscher aus hübsch mir hei Müskeli schöni Füdeli athletischi Wädeli ästhetischi Näbeli mir hei di beschte Jobs di schönschte Möps hm super Püppi wahnsinnig erotischi Lippe u üsi Nipple tüe wippe we mir tüe trainiere uf aune viere tüe aues probiere um Gwicht z'verliere d' Muetter dr Vater hett Muskukater vo de Velotoure d' Muskle tüe suure   Schönsein Reggae Schönsein Reggae   u wär nid schön isch isch hässlech u hässlech isch wüescht wär wüescht isch tuet sünde verliert sini Fründe vilech muess men ihm künde mir si schön mir si schöner mir si supersexy üüs nid !   Schönsein Reggae Schönsein Reggae
5.
Goggifrösch 04:08
Goggifrösch © Andi Hug immer we`s schiffet immer we's ruuschet si mini Realitäte vertuuschet isch d'Gägewart verbii u das wo denn isch gsii isch wi jitz und i loufe u loufe ha gar nid gwüsst dass di Stadt e so gross isch und es rägnet uf de Brügge i de Strasse ...Farbe u Forme schwümme im Nasse vor mine Ouge under mine Füess immer we's ruuschet si mini Realitäte vertuuschet a irgend som'ne Huusegge es hett zoge wi ne More si hett gseit ey... tuesch dr Schirm scho zue oder hesch no Platz für mi när si mer gloffe u gloffe und es rägnet uf de Brügge i de Strasse ...Farbe u Forme schwümme im Nasse vor üsne Ouge unger mine Schue si hett gseit i ha Gluscht öppis z'schläcke i nime di am Aecke so süess wi ne Goggifrösch bisch du no lang d'Frou am Kiosk hett gseit öich isch öppis achegheit s`isch gloub mis Härz gsii när si mer gloffe irgend so ne komische Sandale a gha uf jede Fau isch's überhoupt nid druf aa cho öb ig in e Glungge iche stah oder nid...si hett glachet d'Frou am Kiosk hett gseit öich isch öppis ache gheit s'isch gloub mis Härz gsi si hett gseit chumm mir gö wägg vo hie chumm mir gö eis ga zie si hett öppis trunke i ha irgend so'me Bibberli ume gsugget mir hett's glängt eifach so z'hocke eifach so z'luege und ab und zue e Nase vou vo irem Duft iche z'nä däm füechtwarme geng we si sech e nassi Strähne us em Gsicht hett gstriche isch mir fasch ds Bewusstsi gwiche so süess wi ne Goggifrösch bisch du no lang   immer we's schiffet immer we's ruuschet si mini Realitäte vertuuschet isch d'Gägewart verbii u das wo denn isch gsii isch wi jitz
6.
Wäge was 04:15
Wäge was ? © Schmidi Schmidhauser wäg was... wäg was äch wäg was? werum werum äch werum? werum dünkt mi hüt aues son e Stuss he? werum isch's äch so dunku dusse?   wäg was... wäg was äch wäg was? werum werum äch werum? werum isch äch dä Tag hüt so beschisse? wenn hört's äch ändlech mau uf pisse?   sing mir e Rägeboge mach mir e Sunnetanz di Stadt isch so verloge si hett mi hüt dr lieb läng Tag betrogewäg was...   wäg was äch wäg was? werum werum äch werum? werum steit son e Seich ir Zytig? werum isch äch hüt no nid Fritig?   sing mir e Rägeboge mach mir e Sunnetanz di Stadt isch so verloge si hett mi hüt dr lieb läng Tag betroge
7.
Biber 04:18
Biber © Schmidi Schmidhauser i ha dr Biber hin oder här i ha immer Schiss ir Nacht ohni Taschepfunzle chan i uf ke Fau me ga brünzle o vor em Wecker tuen i mi fürchte sicher wird i mau bim wecke am ne Härzinfarkt verrecke wüu i so schrecklech fescht verschrecke   i ha dr Biber o am Morge han i dr Biber vor mim Chüeuschrank i ha Schiss ne z'berüere i ha Angscht dass i erfriere wen i mi tue wäsche han i Angscht vor Dusche Schiss mi z'verbrönne Angscht vor em Spiegu dass i mi nümm kenne   doch was mi jitze am meischte tuet entsetze was mi i Schrecke tuet versetze isch: sit paar Tage tüe si wider Hase jage doch was mi jitze am meischte tuet entsetze was mi i Schrecke tuet versetze mir tuet fasch der Härzschlag ussetze   i ha dr Biber so oder so i ha dr Biber (i bi so bider)   i ha Angscht vor mine Wörter i ha Angscht vor stille Örter i ha Angscht i d'Hose z'mache i ha Angscht dass aui lache bin i ir Stadt de hassen i au di dunkle Gasse ...dunkli Gselle i ha Angscht vor Salmonelle i ha dr Biber vor Geschter u mire chliine Schweschter vor schwarze Chatze vor schwarze Spatze vor wiisse Tube u ne Bire iche z'schrube i ha Angscht vor Katastrophe sogar Angscht vor nächschte Strophe   doch was mi jitze am meischte tuet entsetze was mi i Schrecke tuet versetze isch: sit paar Tage tüe si wider Hase jage doch was mi jitze am meischte tuet entsetze was mi i Schrecke tuet versetze mir tuet fasch der Härzschlag ussetze   i ha dr Biber so oder so i ha dr Biber (i bi so bider)
8.
Mohikaner 04:13
Mohikaner © Schmidi Schmidhauser i wohne immer no im gliiche Zimmer jahrii jahruus im gliiche Huus i gah nümme druus schiins sige Jeans jitz us dr Mode un i ha immer no di gliiche Hose u lose Janis Joplin un es hange vo ihre ganz viu Poster a de Wäng u mis Velo hett nume drü Gäng   es hett ke Spitz für mi z'probiere di Wäut hütt no z'kapiere es hett ke Sinn... es hett ke Sinn es isch so schlimm... es isch so schlimm zum Bispiu üsi Ching üsi liebe chliine Goofe di tüe plötzlech Techno schwoofe   es isch nümm so wi aube mi cha das fasch nid gloube mi cha nid aues b'haute es blibt nid aus bim Aute numen i blibe ging so win i uf d'Wäut bi cho numen i bi blibe stah numen i blibe no da   um mi ume si aues Astronaute u si schaute d’Triibwärk aa si flüge wägg si zische furt zischen ab schampar wit in e Zyt won i nid kenne uf'ne Stärn unändlech färn   es isch nümm so wi aube mi cha das fasch nid gloube mi cha nid aues b'haute es blibt nid aus bim Aute numen i blibe ging so win i uf d'Wäut bi cho numen i bi blibe stah numen i blibe no da
9.
S i b r i e 04:07
S i b r i e © Schmidi Schmidhauser zersch schlö si 'nang fasch z'tot im Garte när list är i de Tarotcharte si tuet sich a d'Marta wände u wett ne uf Sibirie sände   när tüe si stritte im Pijama d'Nachbarschaft erläbt es Drama glii druuf ghört me se versöhne när muess es rugge u tuet stöhne zwe Tag später tuet är se sueche bis i ds Alphüttli vo de Schwigereutere ueche tuet är se sueche verzwiiflet... är suecht se bis a ds Meer bi ihrer Urgrossmère   när tüe si stritte im Pijama d'Nachbarschaft erläbt es Drama
10.
Troumboum 03:16
Troumboum © Schmidi Schmidhauser es isch e so'ne schöne Tag hüt d'Vögu swinge u d'Sunne schiint aber es dünkt mi fascht i sitz hie uf 'me Ast u öpper saget drannen ume un i chume fasch nid drum ume abe z'stige vo mim Troumboum   i wett e Blueme sii ufe'me höche Bärg dänken ig oder e Fee imene See aber henu so de   i han e Hüenerhut i mim Äcke di geit dr Rüggen ab bis zu de Backe i han e Hüenerhut i mim Äcke di geit dr Rüggen ab bis zu de Backe   scho aus Ching bin i immer im Klassezimmer irgend wo nöime am tröime gsii i wärdi mau Schiilehrer im Winter u im Summer a dr Atlantikküste e Rettigsschwümmer un i stogle dür d'Wäut so einigermassse i humple dür d'Strasse   u han e Hüenerhut i mim Äcke di geit dr Rüggen ab bis zu de Backe i han e Hüenerhut i mim Äcke di geit dr Rüggen ab bis zu de Backe   när geit si a de Scheichen abe bis a d' Wade i bi innerlech so glade hüt geit's mer fantastisch
11.
Büebu 03:17
Büebu © Schmidi Schmidhauser e Büebu geit i d' Stadt är hett ke Ahnig was är wott vilech wott är öppis choufe vilech nume e chli loufe sich dür d'Loube schloufe   d'Schoufänschteruslage tüe'ne plage so viu hübschi Sache är weiss nümme was jitz mache was er jitz wöu poschte u was wiviu söu choschte was mit weler Charte zahle was äch für'ne Marke wähle di neue Uhre wo's jiz git di si mit Laser das weiss är (vom ene Kolleg)   är gseht au di heisse Chleider u di tolle Rollerblader leider hett är scho zwe Paar vo dr Wienacht här letscht's Jahr u o d'Chleider si nid Manguwaar s'isch wahr un es nöis Bike git's scho glii vom Götti Mike   e Büebu geit i d' Stadt är hett ke Ahnig was är wott vilech wott är öppis choufe vilech nume e chli loufe sich dür d'Loube schloufe
12.
Swinger 04:32
Swinger © Schmidi Schmidhauser aues won i wett isch mit dir überueche chli ga lige am liebste uf di ufe stige mi vergässe u di frässe   ja i weis das tönt wi vo'mene Büffu i weis i han e Sprung i dr Schüssu aber momentan isch mir das schampar schnurz   i bi für jede Blödsinn z'ha di Nacht i würd sogar wär hätt das dänkt mit dir bis dr Tag erwacht   z'ersch chönntisch d'Wösch um ds Bett verteile nächär chönntisch uf mer obe chnöile u vo oben abe söile oder unden ufe biisse we de wosch   i ma nümm i der Wöschchuchi hocken u diskutiere mir chöi doch grad so guet ga ritiplampe oder i Waud e chli ga Vögeli luege   i bi für jede Blödsinn z'ha di Nacht i würd sogar wär hätt das dänkt mit dir bis dr Tag erwacht...   abschmatze u schläcke wett i di bitte gib mer jitze dini ...mhh i haute's eifach nümme uus i ma würklech nümm i der Wöschchuchi hocken u diskutiere während um üs ume d' Wöschmaschine vibriere das isch ja wi im ene Swingerklup hie   i bi für jede Blödsinn z'ha di Nacht i würd sogar uf dene Wöschmaschine obe mit dir bis dr Tag erwacht...
13.

about

Homepage: www.shoppers.ch
Kontakt: info@shoppers.ch

Java kann man auch bei iTunes kaufen
CD nicht mehr im Handel

credits

released February 9, 1998

Produziert von Stop the Shoppers
Schmidi Schmidhauser: Tres Cubano, Gesang
Jüre Schmidhauser: Bass, Gesang
Oli Hartung: Gitarre, Chor
Christian Brantschen: Hammond, Piano
Andy Hug: Schlagzeug, Gesang

Pino Güntensperger und Maurice Könz Gesang im "Büebu"
Erika Stucki Gesang im "Miss Bubbles"
Aufgenommen im Studio2 Worb
Mix: Ron Kurz
Mastering: Müller Glen
Artwork: Sandra Bereta
Foto: Lupo Batt
Supervision: Bruno Frey

license

all rights reserved

tags

contact / help

Contact STOP THE SHOPPERS

Streaming and
Download help

Report this album or account

If you like STOP THE SHOPPERS, you may also like: