Shoppers

by STOP THE SHOPPERS

supported by
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      15 CHF  or more

     

1.
00:14
2.
04:21
3.
4.
04:58
5.
00:17
6.
03:46
7.
01:18
8.
04:48
9.
04:22
10.
02:05
11.
04:18
12.
13.
14.
15.
04:14
16.
03:53
17.
05:28

about

Homepage: www.shoppers.ch
Kontakt: info@shoppers.ch

Shoppers kann man auch bei iTunes kaufen
CD nicht mehr im Handel

credits

released December 3, 1996

Produziert von Stop the Shoppers
Schmidi Schmidhauser: Tres Cubano, Gesang
Jüre Schmidhauser: Bass, Gesang
Oli Hartung: Gitarre, Chor
Christian Brantschen: Hammond, Piano
Andy Hug: Schlagzeug, Gesang

Bruno Wenger Tubabass im "Büebu"
Lee Struckmeyer Turntable Interpretations on Kamel

Mixt and Recorded by Ron Kurz
Mastering Glen Müller

license

all rights reserved

tags

contact / help

Contact STOP THE SHOPPERS

Streaming and
Download help

Report this album or account

Track Name: Stärneklar
Stärneklar © Schmidi Schmidhauser vor zwee Wuche da hesch mer aaglüte
du hesch mer gseit du wöusch mi
gseh es göng dir nid so guet
du bruuchsch mi jitz i söu di
cho bsueche uf der Steu
mitts ir Nacht em drüü
u mittnäh bitte söu i
no paar Fläsche Wi
 
nach zäh Minute bin i
vor dir Türe glandet
u a dir Türe hänkt e Zedu
druf isch gstande
du sigsch no hurti
z'Bsuech zum Fredi übere gange
un i bi no bis em Morge früech
vor dir Türe gstande
 
du machsch mi fix u fertig
wen i di gseh de wett i
sofort grad uf dr Steu
tot umgheie wüu
bi jedem Wort wo'd seisch
bi jedem Schritt wo'd geisch
wird's mer stärneklar
dass i di nie cha ha
 
weisch no vor emene haube Jahr
bin i für üüs ga bueche
du wöusch mit mir i d'Ferie
ga d'Fidji-Insle bsueche
doch wo mer dert si gsii he
wo mir ändlech aa si cho
hesch dir e Iigeborne gno
u nächär bisch mit däm dervo
 
du machsch mi fix u fertig
wen i di gseh de wett i
sofort grad uf dr Steu
tot umgheie wüu
bi jedem Wort wo'd seisch
bi jedem Schritt wo'd geisch
wird's mer stärneklar
dass i di nie cha ha
Track Name: Pizza Margherita
Pizza Margherita © Schmidi Schmidhauser

bleichi fetti Güggle u schwabeligi
Hüener watschle über d'Piazza
di ganzi Tschuppele treit rosaroti
u häublaui schlampegi T-Shirts
es paar hei Stoffhüet anne
u d'Pocketkameras bambele'ne
um ihri Ränze wi Glogge
si hocke sech i d'Tubeschiissi
frässe Pizza Margherita
u gackere irgend öppis
 
ob si jitze in Ibiza oder
ob si in Rimini sitze
si frässe Pizza Margherita und si
schwitze i der Hitz u findes spitze
 
dr eint dä heisst anschiinend Fredi
un e angeri offesichtlech Margrit
di ganzi Piazza mues es ghöre
wüu d'Margrit het e luti Rööre
vilech sueche si es Touristoffice
vilech hei si's scho lengschtens gfunde
eventuell hett's Office o nume no nid offe
oder vilech hei si sech verloffe...
 
ob si jitze in Ibiza oder
ob si in Rimini sitze
si frässe Pizza Margherita und si
schwitze i der Hitz u findes spitze
Track Name: Holland
Holland © Schmidi Schmidhauser

mi Stueu isch numen e Stueu u ke Bank
un i bi ke Diräkter mit Kasseschrank
mi Body isch o numen e Körper u ke Feuse
u mi Knackarsch isch o numen e Schlöise
u üse Lärm leidergottes isch o nume Lärm i öine Gedärm
e so'ne Sach e Art win e Krach es Noise es Gfüeu i däm Gwüeu
U d'Wäut di isch es Ei u nid rund
und am Spitz isch si wund
mi Wohnig di isch ekes Huus und mi Hamschter ke Köter
ender öppe e Schwärenöter
u mi Chef isch ke Boss är isch ke Cowboy kes Ross
mis Klavier isch ke Flügu u Holland ke Hügu
es isch aues ging so wi me's nid wetti ha
u dr Reife vom Velo laat o no la gah
 
u üse Zouberer im Dorf hett wider Hochbetriib
hett e spirituelli Sitzig mit em Höiptling
u dr Eduard Zimmermaa vom XY
luegt dass hüt em Aabe sicher nüüt passiert
Track Name: hey Fido
hey Fido © Schmidi Schmidhauser

är isch ihri Klette
wo si nid zum Näscht usbringt bim Bette
är tuet der Retter i dr Sturmfluet sii
i dr Schuumbadwanne u springt drii
hey Fido !
är tuet dr Wäschblätz ersetze
si mit em Züngli netze
är schläcket ihre dr Dräck vom Acke
u tuet se a de Ohre läcke
 
mi gseht är gniesst's so richtig
uf ihn si aui iiversüchtig
dr Bello dr Hasso u dr Sohn vom Pfarrer
wüu dä tuet bi ihre scho sit Jahre scharre
 
är tuet se überfallen aube
im Schwümmbad ihre a ds Füdle saube
mi gseht ihm's vo wit aa är isch dr Fido und är sitzt
meischtens vore im Chörbli bi ihrem Veloguido hey Fido !
 
mi gseht är gniesst's so richtig
uf ihn si aui iiversüchtig
dr Bello dr Hasso u dr Sohn vom Pfarrer
wüu dä tuet bi ihre scho sit Jahre scharre
Track Name: Gummiboum
Gummiboum © Andi Hug

jeregott bin i chlapf
i gloube mi Fuess schlaaft jitz de ii
und i luege zum Fänschter uus
u gseh luter farbigi Vögu
 
jeregott bin i chlapf
dr Gummiboum isch ou scho ganz schreeg
und i grüble i der Nase und es chunnt mer vor
win e Höleforscher
 
jeregott bin i chlapf
u du luegsch ou ganz z'fride drii
dini Haar si win e Sunneufgang
und i bi z'fride eso
Track Name: B.B.King
B.B.King © Schmidi Schmidhauser

hey di Party isch e Flop
di Lüt wei nid tanze
u d'Band tuet nid groove
drum tuet hie niemer move
nid emau d Goofe
wo süsch immer so gärn schwoofe
nid emau die si da...werum?
di si scho lang im Bett...aha!
weisch was i gärn wett?
wüsse wär di Band bsteut hett!
i das gottvergässne Kaff
hie tanzet doch ke Aff
hie hett's doch nume Deppe
hie isch doch immer Ebbe
hei lueg mau dert vore
tanzet eine win e Moore
dä hett sech verloffe dä isch bsoffe
was tuet är moffle dert vore?
är wöu e Blues jitz ghööre
 
spilet mau e Blues he!
 
di Party isch für d'Chatz da
i wott use machet Platz da!
das isch e völlige Flop he
ar Bar git's nume Goggi
was isch das für'ne Schuppe?
das Gsöff isch warm wi Suppe
u de di laami Combo da vore
es schmärzt mer afa i de Ohre
dass dä Bsoffnig dert derzue cha tanze
jitz schlaat's ne ufe Ranze
ds Stück isch fertig
d'Band wott höre numen är
wott no'ne Blues jitz ghöre
 
spilet mau e Blues he!
(weisch so wi dr B.B.King)
Track Name: es Kameu
es Kameu © schmidi Schmidhauser

es Kameu e armi Seeu
schwankt dür d'Wüeschti
es isch heiss wi d'Höll
und es weis nümm was es söll
ir Karavane hett's müesse aafa lahme
a sim lingge hingere Bei
da hei si's abghänkt
u jitz isch es elei
i de Düne hett's müesse aafa hüüle
hett sini Träne i Sand la troole
literwiis Tag u Nacht
für nes Kameu isch das ke Sach
wüu nume d'Höcker wärde flach
u so hett's hektoliterwiis grännet
bis dass e Oase isch entstande
 
und im Schatte vo're Palme
isch es gläge und hett dänkt
i ha Schwein gha dass dr Allah
mir mis Läbe no hett gschänkt
es git angeri wo immer Päch hei
ds ganze Läbe lang
bi dene wär nüt gwachse hie im Sand
 
jitz hett das Kameu i dere Oase aafa sääie
u zwar vom beschte änglische Rase
dä wo me so schön churz cha määie
u aui arabische riiche Scheiche
die hei gfunge das isch ja gar e ke Seich he
hie spile mer Golf uf däm Raase däm weiche
u so hett üses Kameu über Nacht
es riisegrosses Business gmacht
u we's e Karavane hett gseh de hett's glachet
u gseit das hätt i de nie chönne ahne
dass i anstatt ere Karavane hingernache z'laatsche
hie dermaasse absahne!
 
und im Schatte vo're Palme
isch es gläge und hett dänkt
i ha Schwein gha dass dr Allah
mir mis Läbe no hett gschänkt
es git angeri wo immer Päch hei
ds ganze Läbe lang
bi dene wär nüt gwachse hie im Sand
Track Name: Annonce
Annonce © Schmidi Schmidhauser

si wett si wär nume haub so adrett
wi die wo am Samschtig ir Disco
sech aamache lache u hei göh zäme
während si scho em zwöufi elei
sech heischliicht unger de Strasselatärne
a dene verbii wo sech gärn hei
 
u am Mäntig da gloubt si's chöm d'Rettig
da list si bim Znüüni ir Zitig
 
unter Chiffre z'finde är wär
hingäbigsvoll jungdynamisch
sig si mittelgross und sig si schlank(u schlank das isch si)
 
scho sit Jahre isch si elei daheime
vor em Fernseh si fingt eifach keine
ir Bude da hett si Kolleginne
u im Tanzkurs da hett's nume Verchlemmti
wo're bim Steppe uf Zääie trample
sinnlos um se umehample
 
u am Mäntig da gloubt si's chöm d'Rettig
da list si bim Znüüni ir Zitig
 
unter Chiffre z'finde är wär
hingäbigsvoll jungdynamisch
sig si mittelgross und sig si schlank
wo si uf d'Annonce gstosse
si sech mäudet mit em Foti
doch won är si nimmt sech übergit
Track Name: Schämpu chunnt
Schämpu chunnt © Schmidi Schmidhauser

i si Weschtetäsche tuet är
no dr Batze vo dr Mueter
un es Snickers un e Banane
är steit mit de nöie Schue
no in e Pflütter vo're Chue
un är schwingt sech uf sis Töffli
 
dr Schämpu chunnt
dr Schämpu chunnt am Samschtig
mit em Töffli über ds Land
 
uf sim Gepäcktreger
da hocket e Prinzässin
di fahrt är in es bessers Land
am Wuchenändi louft bim Schämpu
immer allerhand
 
dr Schämpu chunnt
dr Schämpu chunnt am Samschtig
mit em Töffli über ds Land
und är ritet dür d'Rocky Mountains nach Bärn
u hätt so gärn e Harley gha
 
dr Schämpu chunnt
dr Schämpu chunnt am Samschtig
mit em Töffli über ds Land
Track Name: tue wid wosch
tue wid wosch © Schmidi Schmidhauser

du chasch tue
wi de wosch
mir isch gliich
wott mi Rue
luege zue
blindi Chue
we du tuesch
u du muesch
mer nid cho
i sött o
i bi so
win i bi
u dass scho
sit i di
denn ha gno
wo'd bisch cho
un e so un e so
chasch du o
so win i
bis du di
tue wi'd wosch
mir isch gliich
wüu du chasch
aber eis isch klar Baby
di lieben i immer!

und i möcht
dass de weisch
wenn du geisch
wär i froh
we'd mer's seisch
wüu eso
weis ig's o
jitz aha
du wottsch gah
blibe nätt
nächär zagg
bisch de wägg
und i hätt nid gärn we'd
dänksch i wett
aber sött
nid so wit
wägen ihm (mir!)
du chasch gah
i bi da
we de geisch
muess verstah
we'd mer's seisch
versteisch
aber eis isch klar Baby
di lieben i immer!
Track Name: Werwouf
Werwouf © Schmidi Schmidhauser

i bi nid vom Fläck cho obschon dass i bi grennt
dr Brieftreger dä feig Hund dä hett mi nümme kennt
är weiss i ha mit aune mine Kumpels Krach
und über mir klafft es riisigs Loch im Dach
weisch no denn i dere verflixte Rägenacht
wo i mir inne plötzlech dr Werwouf isch erwacht
i ha Gift gspöit u Sache gmacht won i beröie
i bi gsi win e Rossbräme wenn si Buure gseht bim Höie
 
und im letschte Momänt bisch du zur Tür iicho
mit emene Mässer zwüsche de Zäng
när hesch mi i dini starche Arme gnoh
u gseit i schwöre dir s'chunnt aues wider guet
 
u dini Hudle dini Schue au dis Züg isch plötzlech wäg gsii
dr Hund ligt im'ne Egge u luegt depressiv drii
sit Wuche hei si di steckbrieflech gsuecht
un i bi bim Metzger am'ne Haage ghanget verfluecht
 
und im letschte Momänt bisch du zur Tür iicho
mit emene Mässer zwüsche de Zäng
när hesch mi i dini starche Arme gnoh
u gseit i schwöre dir s'chunnt aues wider guet
Track Name: sit denn
sit denn... © Schmidi Schmidhauser

i kenne mi fasch nümme mues i säge
dr Situation bin i erläge
du hesch mi fasch e chli verdorbe
i bi komplett anders worde
i cha mi völligschtens fixiere
ohni dass i ds Gfüeu ha viu ds'verliere
für mi si di schönschte Tage
we mir dr ganz Tag nume lige
Sache won i früecher ging hätt söue
won i lieber nid hätt wöue
merk i plötzlech jitze s'isch zum Schiesse
dass i exakt genau das gniesse
i tue dir ewig Tröiji schwöre
mängisch chan i fasch nümm höre
früecher hätt i furchtbar müesse lache
und jitz machi au di Sache
 
das mach i ersch sit denn he
sit denn dass i di kenne
 
weisch i kenne mi fasch nümme
mini Fründe tüe sech chrümme
chrümme sich vor Lache wenn i säge
dass i müess daheime blibe
derbii tät i gar nüt müesse
du gsehsch i lige dir zu Füesse
i schloote nümm u trinke
Tee u trage Finke
 
das mach i ersch sit denn he
sit denn dass i di kenne
das mach i ersch sit denn he
sit denn dass i di kenne
 
i tue mir d'Hüft usränke
wenn i dir d'Wösch ufhänke
u mues geng a di dänke

If you like STOP THE SHOPPERS, you may also like: