Get all 9 STOP THE SHOPPERS releases available on Bandcamp and save 35%.
Includes unlimited streaming via the free Bandcamp app, plus high-quality downloads of Mambogimp, Supergringo, Shoppers live, Campingsalsa, Java, Shoppers, so wi di Grosse, Kurt, and 1 more.
1. |
Magdalena
03:36
|
|||
Magdalena © Schmidi Schmidhauser
d Magdalena
i‘re schöne heisse Summernacht
leit ihres liebschte churze Röckli aa
u schliicht zur Tür us
so dass ömu Vati ja nüt merkt
d Magdalena
wo di schöne brune Ouge
nid nume brucht zum stune
Magdalena
i der Szene isch d Magdalene
immer non es unbeschribnigs Blatt
u so mänge versuecht z‘lande
wou verstande s’isch nid eifach
si geit nid mit jedem Depp
d Magdalena
wo di schöne brune Ouge
nid nume brucht zum stune
Magdalena
u scho chli speter
ja de gsehter mit em Peter
d’Magdalena ängumschlunge
mit der Zunge sich verschlinge
so dass hingerdrann
dr Mond am Stärnhimu obe schmiuzt
d Magdalena
wo di schöne brune Ouge
nid nume brucht zum stune
Magdalena
u dr Vater dä lütet de Bullen aa
ds Mueti verzwiiflet im Pijama
jitz isch di Tochter no ging nid da
sogar di beschti Fründin d Ann
di mues elei uf ds letschte Tram
schwofe bis am Morge weimer
nid ufe Bus, nid ufe Moonliner
schwofe bis hie d Fetze flüge
morn muess si wider der Vati aalüge
|
||||
2. |
Jazz am Morge
03:17
|
|||
Jazz am Morge © Schmidi Schmidhauser
mi Nachbar spiut Jazz
Jazz am Morge, Jazz ohni Sorge
är dudlet uf sim Instrumänt
Melodie vo geschter
Solo oder für Orcheschter
mi Nachbar macht Jazz
Jazz am Morge, Jazz am Abe
är tuet sech a sine Skalen erlabe
a sire Jazzgitarre
frisst är sich e Narre
mi Nachbar spiut Jazz
un i gseh jede Tag d Frou Liechti
mit em Bäsen im Stägehuus
wo a ds Stägegländer polet
si hämmeret dergäge
u si groovet d Frou Liechti
si swinget scho fasch
mi Nachbar macht Jazz
Jazz am Namitag unbekümmeret
är würdi nie im Läbe
sis Schit zertrümmere
vo Dizzie Gilespie bis Al Di Meola
kennt är aui verreckte Sole
un i gseh jede Tag d Frou Liechti
mit em Bäsen im Stägehuus
wo a ds Stägegländer polet
si hämmeret dergäge
u si groovet d Frou Liechti
si swinget scho fasch
mi chönnt meine si geit i d Jazzschueu
|
||||
3. |
hey Fredy
04:13
|
|||
hey Fredy © Schmidi Schmidhauser
är hett‘re nume gseit was är verzeue wott
si hett ihm nume gloubt was sin ihm gloube wott
jitz cha si nümme gloube wenn är öppis seit
ihre wär’s lieber wenn är geit
är tuet ging so viu verlange
aus wär är no ihri Flamme
die won är mau denn vor langer
Zyt mau isch gsii
denn wo si no ungerdrane
vo ihm het g‘wohnt ds Oberwange
denn hatt är nie wou verstange
tröi chönne sii
hey Fredy vergiss di Ändspurt
dä Zug isch g‘fahre
wäg u furt
är tuet ging hie umehange
gstorbe wär si vor Verlange
wenn är nid wär usegange
am Morgen am drüü
hey Fredy vergiss di Ändspurt
dä Zug isch g‘fahre
wäg u furt
|
||||
4. |
Le voisin
03:50
|
|||
Le voisin © Jürg Schmidhauser
le lundi je dors jusqu’à 10 heures
parce que je dois aller chez le docteur
et je lui explique que je suis malade
et après je mange et je me ballade
mardi je ne me lève pas et je reste au lit
mercredi je téléphone ´ mon chef
pour lui dire que je suis jaune
je suis contagieux le docteur l’a dit
c’est mieux pour tout le monde si je reste au lit
le jeudi? ...eh bien le jeudi
ça ne vaut pas la peine je me dis
je reste au lit et je téléphone
a une amie, eh oui
le vendredi bien que le samedi
je ne me lève pas avant midi
mon voisin s’énerve à cause du bruit
mais moi je dois faire la fête toute la nuit
avec une amie, eh oui
le dimanche je me couche à l’heure
parce que le lundi je dois aller chez le docteur
et tout ce que je me demande
mon voisin il me semble
qu’il travaille trop et ne va pas bien
mon docteur a dit que ce n’est pas sain
|
||||
5. |
i üsem Huus
05:24
|
|||
i üsem Huus © Schmidi Schmidhauser
i üsem Huus wird’s immer wi schlimmer
irgendwo tüe si ging boue
s‘ hett immer chlineri Zimmer
im Gang hett‘s Platz zum versoue
i üsem Huus
i üsem Huus wohnt z’oberscht d Frou Glatz
ihri Hüng di bäuen immer
d Frou Glatz hett o no e Chatz
aber d Hüng di find i schlimmer
i üsem Huus
i üsem Huus wird’s immer wi schlimmer
d Chäuerassle rassle dert Samba im Chäuer
si rassle immer, immer wi schnäuer
d Chäuerassle rassle dert Samba sit Jahre
si rassle immer u das cha no lang gah
vor üsem Huus da hett‘s e richtige Raase
dr Herr Huswart tuet ne ging mäije
är chunnt derbii in Ekstase
wägem Lärme mues me so chräije
i üsem Huus
i üsem Huus wird’s immer wi schlimmer
im Parterre schaffet e Nutte
bim Chrampfe hueschtet si immer
u niemer chouft’ren e Chutte
i üsem Huus
|
||||
6. |
ds Heidi
04:34
|
|||
ds Heidi © Mani Matter / Jürg Schmidhauser
är wohnt ir gliiche Gass
und ig i ga mit dir i d Klass
so isch es cho dass mir grad beidi
ds Härz a di verlore hei
är isch e grosse Held im Sport
u ig probieres meh mit Wort
jeden uf sy Art umwärbe
mir di Heidi, ig und är
zum Bewiis är heig di gärn
da schiesst är Gool bim F.C. Bärn
und ig erkläre mi dir schlicht
i Form vo lyrische Gedicht
Heidi mir wei di beidi
beidi hei di Heidi gärn
Heidi beidi hei di Heidi gärn
Und am Sunntig dänksch am Mätsch,
är sigi dä wo’d lieber hätt’sch
när findsch daheim vo mir ä Brief
de chert sech ds Blatt ...du süfzgisch tief
so hett’s nid chönne witer gah
du hesch nid beidi chönne ha
plötzlech hei mir Di aafa bedränge
Heidi jitz entscheidisch di
hätt i gwüsst wis usechunnt
einisch i’re schwache Stund
da hesch Du di verlobt s`isch z’vil
mit ihm am Sunntig nach em Spiel
da druus han i glehrt, dass hüt
nid viu erreichsch we du d`Lüt
mit viune Wörter tuesch erchlüpfe
aus we’d so richtig guet chasch stüpfe
|
||||
7. |
3 Chinese
03:03
|
|||
3 Chinese © Jürg SchmidiSchmidhauser
3 Chinese mit‘me Kontrabass
sitzen uf dr Gass ohni Reisepass
da chunnt e Polizischt und fragt was isch denn das
eh 3 Chinese mit‘me Kontrabass
dr eint dä rennt dervo
dr anger tuet eso
aus wär är völlig dumm
dr dritt dä steut sech stumm
3 Rumäne mit‘me Kontrabass
sitzen uf dr Gass ohni Reisepass
da chunnt e Polizischt und fragt was isch denn das
eh 3 Rumäne mit‘me Kontrabass
dr eint isch nümme gsung
dr zwöit vermisst si Hung
dr dritt dä tuet eso
aus wär är ersch grad cho
3 Ghanese mit‘me Kontrabass
sitzen i der Chischte ohni Reisepass
da chunnt e Polizischt und fragt was isch denn das
eh 3 Ghanese mit‘me Kontrabass
der eint dä macht grad Zoff
dr anger schlückt si Stoff
erklärt däm Polizischt
dr dritt sig e Turischt
3 Chinese mit‘me Kontrabass
4 Kubaner mit‘me Kontrabass
5 Tschetschene mit‘me Kontrabass
6 Tamile mit‘me Kontrabass
10 Albaner mit’me Schwizerpass
u bi au däm huere Gliir
findet kene me sini Papiir
dr Bulle wir ganz bleich
u find‘s e huere Seich
3 Chinese mit‘me Kontrabass
sitzen uf dr Gass ohni Reisepass
da chunnt e Polizischt und fragt was isch denn das
eh 3 Chinese mit‘me Kontrabass
viu si vo irgend wo
irgend wie da häre cho
s‘wär ohni au di Lüt
ds Land nid dert wo hüt (so geil)
|
||||
8. |
Barbare
02:55
|
|||
Barbare © Schmidi Schmidhauser
Si‘s Barbare sin es Hunne
es chlopfet ar Türe dunge
si‘s Tartare sis Mongole
wo vor üser Türe johle
ke Panik das isch ja gseht dir
d Valeria mit em Peter
d Maria u no d Jolanda
wo bi üs zur Tür ii wei
Si‘s Barbare sin es Hunne
es chlopfet ar Türe dunge
si‘s Tartare sis Mongole
wo vor üser Türe johle
aber nei das isch doch no ds Vreni
u nümme ganz früsch das gsehn i
u näben ihm steit dr Hene
wo scho geschter da isch gsii
Si‘s Barbare sin es Hunne
es chlopfet ar Türe dunge
si‘s Tartare sis Mongole
wo vor üser Türe johle
nei s‘isch Winu dr Jack u d Gabe
i schiesse dr Schlüssu abe
di ganzi Stadt steit vor üser Tür
i cha würklech nüüt derfür
|
||||
9. |
Giele singet
03:39
|
|||
Giele singet © Schmidi Schmidhauser
Schmidi wott ijtz Mambo spile
Mambo isch doch Irrsinn
derbii wär ijtze Techno in
är hett nid mau es Piercing
dr Kuno schiist uf ds Radio
ds Radio wott nid sände
vilech wird är gliich no mau
win es Häsli ände
dr Büne stoubet aues ab
was gratis är cha finde
ging wes öppis gratis git
verwütscht es ne vo hinde
dr Göle hett dr Durchblick gha
u isch i d Ferie gange
derfür bricht är im Sofa när
mit eire Hang e Stange
dr Polo wott ijtz Rössli ritte
d Rössli wei nid springe
wüu är’s nid bis Memphis schafft
darf är no immer singe
xang isch xung !
Houptsach d Giele singe
Giele singet
rouket Niele
u tüet schwinge
|
||||
10. |
Fundbüro
05:05
|
|||
Fundbüro © Schmidi Schmidhauser
i ha scho wider mau mi Schlüssubund verlore
stah vor mim Outo und es friert mi win e Moore
wüu mis Haustuech isch mer leider o abhande cho
hüt em Aabe reini Side wou verstande
i bin e dermasse hirnlose Ma
i weis nümme wenn das was i no ha gha
i weis ja nid emau me mini Adrässe
wüu di han i scho sit Jahre vergässe
u drum irren ig jitz dür di lääre Strasse
i cha mi nid emau me einigermasse
a de Wägwiiser orientiere
wüu i d'Buechstabe aui verliere
und i fragen öpper wo isch mis Quartier
dä seit: 'am g’schidschte näät dir ds Tram Nr. 4'
doch scho glii druuf du no chli witer vore
han i mi plötzlech no säuber verlore
u ke Sou git me e Pfifferling
ob’s mi emau hett gä
ke Hahn schreit me nach mir
u ke Sou git me e Pfifferling
obs mi emau hett gä
scho morn da hange mir im Fundbüro näbe de Schirme
drum passet uf so viu han i bis jitz verstande
we me nid dr Gring bir Sach hett chunnt me grad abhande
wüu ds Universum das isch ewig und unändlech
dass da mau öppis unger ds Iisch geit isch verständlech
|
||||
11. |
Irma
04:39
|
|||
Irma © Schmidi Schmidhauser
i sitze a mim Chuchitisch
hüt darf i ja nid z’spät
erschiine uf em Bügu s’isch
Zyt i mues jiz ga.
obschon’s ersch füf vor sibni isch
im Grund gno schampar früech
dr Chef gseht hüt o nid grad früsch us
es isch der Gruus
werum dass d Mönschheit chrampfe tuet
das weis nid mau dr Fred
ob schon dass dä süsch immer guet
Bscheid weis über aus
dr Hassan darf o ke Gschpass ha
är chrampfet Tag u Nacht
chli Schlaf tuet är ir Pouse ha
u zaut o no sis Znacht
es hett nid mau e Dusche
dass är sech chönnt wäsche
är wäscht sech mit Äsche
im töifschte Ramadan
u für mi cha hüt aus beschtens ga
vilech gwinnen i im Lotto
u süsch de haut am Wuchenänd
wett ig i Usgang ga mit dr Irma we si cha
u nume dr Renato
cha sech's erloube
ging e chli z'spät cho
nume dr Renato u d Irma
wüu die isch Tochter
vom Chef vo dr Firma
usgrächnet d'Irma
won i se so gärn ha
|
||||
12. |
e ma mit 2 Schue
04:59
|
|||
e ma mit 2 Schue © Schmidi Schmidhauser
e ma mit 2 Schue
u emene Hirni
e Ma mit em Härz
uf em richtige Fläck
är füeteret sini Änte
u wartet uf sini Ränte
u niemer würd däm guete Ma
irgend öpis fürha
ds ganze Dorf würdi für ihn
di rächti Hand i ds Füür ha
u niemer würd sech wägen ihm
öppe hindersinne
numen är säuber fat vor luter
Zwifu aafa spinne
|
||||
13. |
Maria
03:37
|
|||
Maria © Jüre Schmidhauser
Maria du bisch i mim Härz
am Tag und ir Nacht dänken ig
numen a di
u wenn i schlafe de tueni tröime
i ligi bi dir töif i dine Arme
Maria i wett di Prinz si
u dis Schloss u dini Kutsche
no grad dis Ross
eifach alles wo du berüersch
u wo du druffesteisch mit dine Füess
Maria du machsch mi so aa
mit dine schöne Ouge
chasch haut eh eifach jede ha
u mit dim Röckli hausch mi us de Söckli
un i cha weder ga
no ruhig blibe stah
won i di denn zum erschte mau ha gseh
i däm gottvergässne Kaff
du bisch haut chli länger blibe stah
un’ i has halt müesse ha
Maria blib no chli da
du bisch für mi e so schön
un i dänke nid dra
di irgendeinisch i mim läbe
für ne anderi z’ verlaa
Maria du chasch jitz nid ga
i wett no chli sii mit dir
oder muesch jitz scho hei
i würd mit dir cho bis a ds Ändi vor Wäut
am liebschte für immer
oder bis i dis Zimmer
ig schwöre dir du bisch die einzigi für mi
und wirsch es für immer si
u we de einisch
bi mim Sarg dr Techel zuklappt
de ghört men us em Grab
Maria du machsch mi so aa
Maria du machsch mi so aa
i wett mit dir schmuse
und für immer a dim Buse pfuse
Maria du machsch mi so aa
Maria du chasch mer gloube
i ha di gärn du bisch mi Stärn
für immer u ewig
|
||||
14. |
schlaflos
03:27
|
|||
schlaflos © Schmidi Schmidhauser
ohni di Schnuuf im Äcke
schlafen i nid ii
schlafen i nid ii
ohni dini Hinterbacke
vo dir z'gschpüre vore
bin i verlore
bin i verlore
ohni di Schnuuf im Äcke
schlafen i nid ii
schlafen i nid ii
u faus i di zum blibe bitte
tuesch di ganz Nacht uf mir ritte
de schlaf i o nid ii
schlaf i o nid ii
i schlafe nümme
i cha nid penne
wäge dir schlaf i nüm ii
|
||||
15. |
Tröschterli
03:13
|
|||
Tröschterli © Schmidi Schmidhauser
niemer wett hüt Nacht elei
einsam dür di Strasse hei
niemer wetti d Wäut bezwinge
niemer wett vom Hochhuus springe
aui wett hüt nume ds beschte
wette schmuuse wette feschte
niemer mues hie fründlech lächle
niemer schliime niemer hächle
u nume du machsch hüt hie son e Gring
wo häre stecksch ächtert du nume ging
dini vile Träne dänne
anstatt dass mau würdisch gränne uuuuuuuu...
chum la di chli vo mir umarme
vergiss di Chummer u dr Lärme
chum e chli zu mir a Schärme
la dr chli la ds Härzli wärme
aui wett hüt nume ds beschte
wette schmuuse wette feschte
niemer wot hüt Nacht elei
einsam dür di Strasse hei
u nume du machsch hüt hie son e Gring
wo häre stecksch ächtert du nume ging
dini vile Träne dänne
anstatt das mau würdisch gränne
|
If you like STOP THE SHOPPERS, you may also like:
Bandcamp Daily your guide to the world of Bandcamp